ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
პროექტის მიზანია საქართველოში საკანონმდებლო პროცესი უფრო სრულყოფილი გახდეს, დაიხვეწოს კანონპროექტის დასაბუთების ფორმა (განმარტებითი ბარათი), რაც საკანონმდებლო პროცესში ჩართულ პირებს, ორგანოებს და საზოგადოებას გაუადვილებს კანონმდებლის ნებისა და ცვლილების შინაარსის გაგებას. შესაბამისად, განმარტებითი ბარათი შინაარსით მეტად უნდა დაუახლოვდეს ევროკავშირის ქვეყნების კანონმდებლობას და გახდეს უფრო სრულყოფილი და გასაგები.
პრეზენტაციის მონაწილეებს მიესალმა იურიდიული ფაკულტეტის დეკანი ასოცირებული პროფესორი თამარ ზარანდია, რომელმაც ისაუბრა საგრანტო პროექტის მნიშვნელობაზე, იუსტიციის სამინისტროს როლზე და თსუ პროფესორთა ჩართულობაზე ამ პროცესში.
პროექტის ხელმძღვანელია თსუ იურიდიული ფაკულტეტის ასოცირებული პროფესორი ვასილ გონაშვილი. პროექტში ასევე მონაწილეობდა თსუ იურიდიული ფაკულტეტის პროფესორი ნანა ჭიღლაძე. ვასილ გონაშვილმა წარმოადგინა კვლევა ევროპის 30 ქვეყნის მაგალითზე, სადაც შესწავლილი და გაანალიზებულია განმარტებითი ბარათის მომზადების პრაქტიკა, მისი ფორმა, თავისებურებები და გამოკვეთილია წინადადებები, რომლებიც შესაძლოა საინტერესო იყოს საქართველოსთვის.
საგრანტო პროექტი დაფინანსებულია საქართველოს იუსტიციის სამინისტროს მიერ.
ღონისძიებას ესწრებოდნენ იუსტიციის სამინისტროს სამართალშემოქმედების დეპარტამენტის უფროსი ზაურ აბაშვილი, იურიდიული ფაკულტეტის პროფესორები და სტუდენტები, ასევე სხვა უწყებების წარმომადგენლები.
